Polizia da fiug

La polizia da fiug cantunala ei responsabla per la prevenziun e la scolaziun dils pumpiers. Consequentamein ei quella partiziun dalla segirada da baghetgs cantunala partida en duas parts, inagada la prevenziun che controllescha e survigiliescha la construcziun da baghetgs egl entir cantun e da l'autra vart l'ustonza encunter fiug che procura ch'ils pumpiers vegnan scolai ed equipai endretg. Era il provediment d'aua d'ina vischnaunca appartegn a quella sparta.

Pumpiers cantunals e polizia da fiug cantunala

• Markus Feltscher, Favugn, directur dalla segirada da baghetgs cantunala

• Hansueli Roth, Serneus, inspectur cantunal da pumpiers
• Jörg Mani, Cuera, inspectur e menader da sparta sf ed UIC
• Gion Tenner, Mustér, instructur ed inspectur districtual

• Urs Paulin, Glion, instructur
• Andreas Günthard, Rueun, instructur
• Edmund Derungs, Val, instructur
• Roland Cajacob, Mustér, instructur
• Conradin Caduff, instructur
• Daniel Solèr, instructur

• Fredy Caminada, Mustér, instructur en scolaziun
• Armin Manetsch, Mustér, instructur en scolaziun

Polizia da fiug communala
Igl onn 2005 han las treis vischnauncas dalla Sursassiala decidiu da fusiunar la polizia da fiug communala. Il pensum ei da procurar che las leschas vertentas sin quei sectur vegnien tenidas en. Cunzun tier la construcziun gioga la polizia da fiug communala ina rolla impurtonta.

• Franz Decurtins, Sedrun, polizist da fiug per la Sursassiala

Suprastonza dalla corporaziun

Cumposiziun
La suprastonza secumpona dils geraus responsabels dallas treis vischnauncas:

• Cirpian Giger, Pardé, president
• Baseli Berther, Dieni, vicepresident
• Roger Tuor, Carcarola

Il cumandant da pumpiers e ses substituts assistan allas sedutas cun vusch cusseglionta.
La suprastonza seconstituescha sezza (president e vicepresident). Davart las tractativas vegn menau in protocol che cuntegn silmeins ils conclus ed ils resultats dallas votaziuns.


Incaricas
Alla suprastonza dalla corporaziun cumpetan las suandontas incaricas:
- representar la corporaziun anoviars e liquidar tuttas fatschentas ch’appartegnan allas
cumpetenzas dalla suprastonza;
- elaborar propostas per mauns dallas vischnauncas;
- applicar l'ordinaziun dalla polizia da fiug cantunala;
- fixar sin proposta dil cumandant igl effectiv dil corp da pumpiers;
- eleger il cumandant, ils vicecumandants, il cau da material ed ils furiers;
- tractar ils recuors da recrutaziun;
- relaschar ils reglaments necessaris per il menaschi da pumpiers
(inclusiv castitgs);
- tgirar il contact cun las autoritads involvadas (pumpiers dalla GVG);
- preparar il quen ed il preventiv dalla corporaziun per mauns dallas suprastonzas
communalas;
- informar regularmein las suprastonzas communalas.


Sedutas
La suprastonza dalla corporaziun vegn convocada dil president ni dil vicepresident sco era sin damonda dil commando da pumpiers, quei tenor basegns. La suprastonza dalla corporaziun ei cumpetenta da decider sche tuts commembers ein presents. En cass specials eisi era pusseivel da decider sin via da circulaziun.